第三十六章中美日關係‘罔議’1

    （1）

    陶卓然聽了點點頭，認為阿政講得有道理，就接口講：

    其實，我認為喺相當一部分嘅日本人中，對美軍係極端仇視嘅，佢哋認為當年美軍喺日本掟原子彈嘅做法，至係真正嘅‘屠殺平民’，宜家日本係右翼政黨執政，佢哋炒作中國威脅嚟擴軍，實際上係迎合咗日本國內根深蒂固嘅民粹主義思潮。

    大家都清楚，日本嘅右翼政府有兩個行為特征係好明顯嘅：第一、否認曆史。比如‘南京大屠殺’事件，不但止唔‘反省’，更係一口否認。第二、惡人先告狀。比如：明明釣魚島曆史上就係中國嘅，佢哋偏要話係佢哋嘅，仲喺國際上亂吠。中國喺東海劃設防空識別區，佢哋就話中國挑釁，但佢哋卻設立咗四十幾年。如果你同佢哋講：日本人喺中國殺咗幾多幾多人，佢就會馬上反咬：日本人畀美國‘原子彈’殺死嘅人更多。所以，佢哋認為自己先至係‘受害者’。

    佢哋喱種‘死唔認錯’、‘死不悔改’嘅稟性，真係好危險嘅，所以美國人二戰後就喺日本駐軍，而且至今一直‘賴’喺嗰度不走。

    喱種做法，宜家從表麵上睇，好似係美國利用日本作為‘基地’嚟‘圍堵’中國。

    但曆史事實卻係：美國人喺日本‘監視’日本人！

    喱兩個國家係互相利用，又互相仇視嘅。

    美國人為何至今堅持噉樣做呢？原因係美國人一直‘怕’日本人會‘暗中’研製大規模嘅殺傷性武器嘅。

    因為美國人知道，日本喱個國家係一個十分‘自大’、非常‘狂妄’嘅的國家。如果畀佢哋搞出‘原子彈’嚟，噉就唔得了，其對美國嘅威脅較之伊朗同朝鮮，不知要大幾多倍。

    美日之間係有‘世仇’嘅，佢哋兩國表麵唔提，但大家心中都有數。

    當年二戰歐洲戰事結束前後，美國本無打算以‘政府’名義直接介入亞洲戰場嘅，因為佢哋喺歐洲戰場打得好辛苦，死咗唔少人。所以對亞洲戰場，佢哋認為係‘事不關已’嘅。一開始佢哋的政府官員普遍認為亞洲離佢哋噉鬼死遠，唔關佢哋事，佢哋隻係想賣‘軍火’賺錢。

    因此，最初嚟中國參戰嘅美國人，基本上係以‘民間’人士嘅身份出現嘅，比如：‘飛虎隊’陳納德等。嚸知日本人嫌美國人參與咗封鎖日本人嘅‘經濟製裁’行動，搞到日本嘅‘石油’、‘橡膠’、‘鋼鐵’等軍事戰略物資極度短缺，狂妄嘅日本人就喺41年首先發難，偷襲‘珍珠港’，將美國嘅‘太平洋艦隊’炸得七零八落，噉就徹底激嬲咗美國人。

    結果，幾年之後，美國人‘回敬’日本人兩個‘原子彈’，炸得日本人死傷無數，不得不無條件投降。

    綜觀兩國之間嘅爭鬥過程，係日本人‘挑釁’在先，美國人‘還擊’在後。

    但日本人卻認為，自己‘偷襲’嘅珍珠港是‘軍港’，是軍事設施，所以佢哋嘅行動屬‘軍事行為’，而美國人喺日本連續掟‘原子彈’，而且都係投放喺人口密集嘅‘城市’，屬於對平民嘅‘殺戮行為’，性質完全唔同。所以，喺日本右翼、以及相當多嘅普通民眾心中，至今仍然係對美國‘恨之入骨’嘅。

    按目前日本人從不‘自省’嘅民族性，佢哋遲早會向美國人報喱‘兩彈’之仇嘅。

    對此，美國政府亦都知當年一再喺日本‘掟’原子彈嘅做法有‘殺戮過度’之嫌，事後有關方麵或人士亦覺得‘心中有愧’，佢哋參與嗰次行動嘅人當中，有人甚至喺幾十年後出現咗‘憂鬱症’。但即使係噉，美國政府對日本人遲早會‘報複’嘅可能性，一直係‘心知肚明’嘅。美國人十分清楚，按目前日本嘅科技水平，以及其為世界第一儲鈈大國嘅情況，要暗中搞出一千幾百個原子彈係完全有能力嘅。

    所以美國戰後幾十年嚟，一直堅持喺日本駐軍，就係監視日本，唔畀佢哋有機會偷偷搞原子彈，

    所以美國戰後幾十年嚟，一直堅持喺日本駐軍，就係希望可以隨時將日本嘅‘報複’扼殺喺‘萌芽’狀態，最起碼有‘延誤’嘅作用。我睇，如果日本右翼唔‘鏟除’，美國人仲有排‘辛苦’呢，永遠都會擔驚受怕。

    所以講，戰後前蘇聯占咗日本嘅‘北方四島’，係執到個‘大元寶’，而美國人戰後卻係執咗件‘大包袱’。

    我猜啊，喺美國政府等級最高嘅機密檔案中，一定會有個‘決議’明確：美國要永遠喺日本駐軍！

    所以，宜家有啲仇視中國嘅所謂嘅‘軍事家’、‘戰略家’，以及喺中國大陸內部崇拜美國嘅人，經常吹噓美國人幾十年就識得喺日本‘布局’，圍堵‘今日’嘅中國，喱啲觀點同講法，實在係一種‘無知’兼‘無稽’之談。

    因為，幾十年前嘅中國，係國民黨執政嘅，唔係今日嘅中國。

    嗰時嘅中國國民黨政府，是美國嘅‘盟友’，所以喺1945年後‘國共’兩黨嘅‘內戰’中，美國政府一直都係‘不遺餘力’噉幫國民黨政府嘅。唔但止畀錢、畀武器，仲派‘軍事顧問’。

    一句話，美國政府對國民黨政府真係‘幫到盡’。

    但美國政府嚸都諗唔到：手上有幾百萬軍隊、又剛剛取得抗戰勝利，正係‘如日中天’嘅國民黨政府，竟然會喺幾年之間就一敗塗地，要潰退台灣。

    事實上，喺日本投降後，當時嘅國民黨政府喺1946年中，亦曾準備派軍隊駐日本嘅，喱個部隊就係第67師，但因當時國民黨政府為咗對付共產黨，就將喱個原已準備赴日嘅全副美式裝備嘅14500人就留咗落嚟，喺國內打內戰。

    所以講，嗰時中美兩國本來都要喺日本駐軍嘅，後來國民黨政府派兵，而美國軍隊就留咗落嚟。喺日本駐軍嘅曆史事實就係如此，並唔係當年就為咗圍堵‘今日’嘅中國。

    後嚟，朝鮮戰爭爆發，美國為咗對付前蘇聯同中國，轉而與日本結成同盟，由此拉開咗冷戰序幕，美國喺日本嘅駐軍嘅‘監視’性質喺表麵上亦就從此改變咗，日本人亦由‘被監視’者，變成美國對付前蘇聯和中國嘅‘馬前卒’。

    所以，話美國人喺幾十年前就有‘先見之明’，一早就喺日本駐軍來圍堵‘今日’嘅中國，噉就太過抬舉美國人嘅‘智商’啦。

    當然，喺今日嘅中美交往中，一定要重視美國，但亦必要太過‘高估’佢哋。

    再講啦，美日兩國從上世紀五十年代就聯手，一直對我哋中國大陸實行封鎖，圍追堵截樣樣都齊，但效果嚸呢？中國大陸從弱到強，人民嘅生活從貧困到富裕，國家嘅經濟實力從一百幾名後到宜家嘅‘和平崛起’，變成全世界第二，噉就講明，中國政府不但搞軍事可以，搞經濟建設同樣係把‘好手’，美日兩國對中國大陸嘅政策係注定會失敗嘅。

    其實，美國繼續喺日本駐軍嘅做法，對中國嚟講，未嚐唔係一件‘好事’，因為佢哋噉樣做，一係可以幫中國‘浪費’美國嘅軍費，加重美國嘅財政負擔。二係可以幫中國‘製造’美日矛盾，因為駐日美軍經常會‘犯錯’，當地居民對美軍係非常反感嘅。最近，一個自稱“革命軍”嘅團體，仲向東京嘅美軍橫田基地發動咗火箭彈襲擊。

    所以，中國大陸根本就無必要過多考慮喱個問題，反而應想法子將美軍‘拖’喺日本。因為美軍基地離中國大陸越近，美國軍人就越容易受到中國嘅打擊，噉樣美國政府就越不敢輕舉妄動。若美軍離你遠，嗰時就隻有佢打你，你卻無法打佢，喺噉嘅形勢下，美國人就一定會亂嚟。喱種戰例喺中東同阿富汗、巴基斯坦見得多啦。

    上麵講到，我哋唔應該‘高估’美國政府的‘智商’，最主要係美國政府嘅決策能力同運作能力嘅表現令人失望，美國政府並唔係高效、優質嘅政府。

    原因係美國實行嘅‘兩黨製’政治架構，宜家已淪落為一種互相‘扯貓尾’嘅‘政客’遊戲。

    我哋經常可以睇到，當美國喺台上嘅執政黨有‘好’嘅政策要出台時，喺台下嘅在野黨就一定‘為反對而反對’，如果佢哋唔反對，唔搞啲‘小動作’，一旦畀執政黨‘順風順水’噉實施各項方針政策，執政黨就會更得‘民心’，就會得到更多嘅‘選票’，噉樣嘅話，在野黨就永遠都機會‘翻身’，想‘上台’嘅機會就等於‘零’。

    所以，因為有喱種離心離德、為咗‘上台’而反對一切嘅在野反對黨‘拆台’，就必然會造成喱個國家嘅‘國策’搖擺不定，無法形成一種長期、有效嘅國策，甚至喺處置突發事件時，反應亦十分遲鈍。

    比如最近美國政府就‘關門’咗十幾日，原因就係在嘢嘅共和黨為咗反對總統提出嘅‘醫改’方案，故意喺自己黨占多數嘅眾議院中，以限製政府債務上限為理由，阻撓經參議院批準嘅增加對‘醫改’方案撥款嘅議案，使喱個對多數人有好處嘅方案遲遲無法實施。

    喱種情況，令人相當困惑，嚸解一個國家嘅議會和‘民選’政府會‘淪’為政黨、甚至是政客嘅博弈工具？這讓極力推崇美國製度嘅人係何等難堪。

    同時亦使美國嘅歐洲盟友感到無法理解，佢哋講：我哋都唔知聽日美國人會做出啲乜嘢決定嚟，真係唔敢同佢哋做交心朋友。

    噉就等於一個人，今晚係喺‘右邊’上床瞓覺，聽天瞓醒覺，就可能喺‘左邊’落床，‘朝秦暮楚’、‘朝三暮四’，日日如是，最後搞到自己都‘暈’鬼咗。好似噉樣‘暈佗佗’嘅政府同政治製度，又嚸會有好嘅將來嘎？”

    (本章完)